December 9th, 2019

ИПХС

Змий, Зверь, Лживый пророк и жабы



Но убо в сущем оноя 51 главы сих злейших три лица в едином подобообразии показа быти, сиречь змия, зверя и сего лжаго про­рока, из их же уст исходящь единыи дух дияволь, в подобии жаб. Еже сказует сице: «И видех, — рече, — изо уст змиев, и из уст зверин, и из уст лжаго пророка духи три нечистыя, аки жабы, исходяща». Тол[кование]: «От сего являет диявола суща — аки змия, Антихриста же — яко зверя, а лжаго пророка — аки иного другаго, из них же, рече, подобии жабам дуси исъхождаху, за ядовитую их нечистоту и скверну и на мерзския сласти желание злых сил, яже нечистая и льстивая знамения покажют челове­ком». Другаго тол[кование]: «Лжаго пророка разумеваем всех еретиков и еще, попущением Божиим, быти хотящих, да вернии и искуснии явятся. Жабами же их наричет за многоглаголивое не­честивых хулении на Господа Исуса Христа и верных во нь».

«И видех, — рече, — изо уст змиевых, из уст звериных и из уст лжаго пророка духи три нечистыя, аки жабы, исходяща». Их же в тол­ковании 2-м — еретиков бывших и будущих, блядословия их ра­ди, наричет. И таковых себе Антихрист соберет, кои бы уст своих не затворяли и непрестанныя бы, аки жабы, на истинъну Христо­ву хулы отрыгали, а лжю защищать умели бы.

(Старец Евфимий)

ИПХС

Содеяся оттуду вера Христова не в произволении быти человеческаго хотения, но под властию ратника

Всюду потаенных раскольник взыскание бе,



присное книг древних изобретание и на огни сожигание, непре­станное



к щепоти привлекание



и нуждею неправеднаго агньца во уста вливание.



И сице оттерзая враг коегождо хотящих за древлецерковное предание ятися. И тем содеяся оттуду вера Христова не в произволении быти человеческаго хотения, но под властию ратника и губителя роду нашему, аки раба некая обру­ганная. Чесо ради и безъблагодатна, и недействена, и всяко пуста таковая вера знаменает быти

(Старец Евфимий)